Kapitel 7 - lection septe

le septime lection - un die de travalio

De bon hora in le matino, a septe horas, le eveliator evelia seniora Schmidt, qui alora sorti del lecto pro eveliar Peter pro le schola. A septe horas e medie al puncto ille descende le scala e entra in le camera a mangiar pro jentar.
Pro su jentar ille mangia sempre duo ovos bullite e bibe caffe ex su proprie tassa.
Ille prende sempre su jentar sol, proque le altere membros del familia jenta a septe horas e dece, quando Peter es ancora in su lecto.
A octo horas minus vinti-cinque mama va al bureau. A octo horas e quarto Maria quita le casa con Peter pro ir al schola. Papa resta a casa, proque ille travalia illac.
Le infantes arriva a nove horas minus vinti al schola. Le lectiones comencia a nove.
Verso meridie Peter reguarda su horologio. A su horologio il es quasi le hora de lunch.
Ille prende su lunch in le sala a mangiar. Le lectiones recomencia a duo horas.
Pro Peter le horas ora non pote volar troppo rapidemente. Ille attende con impatientia le fin del die scholar a quatro horas minus cinque minutas, quando ille pote retornar a casa.
Quando ille arriva a casa, ille prende su dinar e postea reguarda le television usque nove horas e medie. Alora ille debe ir al lecto. Quando il es tarde, proxime a medienocte, su genitores va anque al lecto.