Kapitel 4 - lection quatro

le quarte lection - le prime die in le nove schola

Tin! Tin! Tin! - sona le eveliator. Peter reguarda le eveliator, que es sur le tabula proxime su lecto. ' Oh no! Il es quasi octo horas! Hodie es mi prime die in le nove schola.' Peter descende le scala e quando ille entra in le camera a mangiar, ille ascolta le radio: 'Bon die! Il es octo horas. Hodie es le septe de septembre....'
'Si, io lo ben sape' dice Peter. 'Hodie io debe ir a mi nove schola.' Ille es tosto preste pro le schola. Peter sorti del casa al strata e va al schola. Quando ille es in le schola, ille cerca su camera e entra in su nove camera. Le maestro demanda: 'Tu, que es tu nomine?'
'Mi nomine es Peter , senior' responde Peter.
'Quante annos ha tu, Peter?'
'Io ha dece-tres annos, senior.' Peter non ama tote iste questiones, ma ille trova, que su maestro es in veritate amabile, como tote maestros, naturalmente. Le die es longe, troppo longe pro Peter, ma a quatro horas ille pote ir a casa.