Kapitel 6 - lection sex

le sexte lection - io regretta multo

Le telephono sona e Maria va al apparato, prende le receptor e dice: 'Hallo! ... Ah,tu ... Katarina!' Illa coperi le receptor con su mano e dice: 'Oh, no!' proque illa trova Katarina un persona multo horribile. 'Hallo! Que desira tu, Katarina?'
'Hallo, Maria. Como sta? Que facera tu hodie vespere?' demanda Katarina.
'Hodie vespere? Qual die es hodie? Oh, si. Hodie es dominica e io ira al ecclesia como sempre.'
'Esque tu potera sortir deman?'
'Deman es lunedi, e io sortira con un ancian amica.'
'E martedi?'
'Io regretta multo, ma le martedi io restara a casa. Mi amica venira. Nos desira reguardar le television, proque il habera un programma interessante a octo horas.'
'Le mercuridi io non potera sortir, ma io non sera occupate le jovedi vespere. Potera tu sortir alora?'
'Le jovedi io ira al restaurante con mi genitores. Nos celebrara lor anniversario e tote venerdis io prende un banio.'
'E que facera tu le sabbato? Esque tu sera occupate alora o non?'
'Ion non lo sape. Regrettabilemente, il pare que io sera occupate quasi cata die. Io telephonera quando io non sera occupate. A revider.' Un Maria multo contente reimplacia le receptor e continua su travalio.